Burstagerðin síðan 1930
Burstagerðin var stofnuð af Hróbjarti Árnasyni burstagerðarmeistara 1. maí 1930. Hann hafði lært iðnina í Danmörku og var brautryðjandi á þessu sviði hér á landi.
Frá handavinnu til sérsmíði
Fyrstu árin var bursta- og penslagerð eingöngu handavinna og 12–14 manns við framleiðsluna. Nær öll burstatré voru smíðuð á staðnum og íslenskt hrosshár keypt af bændum víðsvegar að og notað í ýmsa bursta og pensla.
Hróbjartur kenndi meðal annars þeim mönnum sem síðan þjálfuðu blinda í burstagerð, og margir kynntust burstahnýtingum í kvöldskóla K.F.U.M. undir hans stjórn.
Leiðin hefur ekki alltaf verið greið. Á stríðsárunum var skortur á aðföngum og á eftirstríðsárunum tóku innflutningshöftin við allt til ársins 1955. Þá þurfti innflutningsleyfi fyrir öllum hráefnum og stundum fengust leyfi aðeins frá löndum eins og Brasilíu eða Úrúgvæ.
Samkeppni frá Asíulöndum á ódýrum fjöldaframleiddum vörum er mikil. Í dag framleiðum við því meira af sérhæfðum burstum fyrir fiskiðnaðinn og annan iðnað, en einnig bílakústa fyrir þvottaplönin, verksmiðjukústa, gólfkústa og þakkústa í háum gæðaflokki, og Durol-anddyrismottur eftir máli.
„Það er samt enginn uppgjafartónn hjá forráðamönnum Burstagerðarinnar í dag.“Friðrik Hróbjartsson, Garðabæ 30. apríl 2010
Tímalína
- 1930
Stofnuð 1. maí
Hróbjartur Árnason burstagerðarmeistari stofnar Burstagerðina eftir nám í Danmörku. Hann er eini Íslendingurinn sem fékk meistarabréf í iðninni.
- 1937
Laugavegur 96
Eftir sjö ár í leiguhúsnæði flytur Burstagerðin í eigið hús þar sem hún starfar í 30 ár. Bursta- og penslagerð er handavinna, 12–14 manns við framleiðsluna og íslenskt hrosshár keypt af bændum.
- 1942
Fyrsta vélin
Fyrsta burstagerðarvélin kemur til landsins frá Bandaríkjunum og framleiðsluhraðinn breytist mikið.
- 1953
Nýir stjórnendur
Hróbjartur fellur frá og Sigurbergur Árnason, bróðir hans, stýrir fyrirtækinu til 1959. Friðrik Hróbjartsson tekur síðar við rekstrinum.
- 1966
Auðbrekka, Kópavogi
Sjálfvirkar vélar kalla á meira pláss og nýtt iðnaðarhús er byggt. Flutt inn 1. maí.
- 1980
Smiðsbúð 10, Garðabæ
1000 fermetra iðnaðarhús byggt vegna aukins innflutnings á handverkfærum og hreingerningavörum.
- 1988
Besta og véladeild
Synir Friðriks koma til starfa, systurfyrirtækið Besta ehf. er stofnað og véladeild sem síðar verður Aflvélar ehf.
- 2003
Suðurlandsbraut 26
Húsnæðið í Sigtúni keypt og endurnýjað, í hjarta Reykjavíkur.
- Í dag
Vesturhraun 3, Garðabæ
Sérhæfðir burstar fyrir fiskiðnað og annan iðnað, bílakústar fyrir þvottaplönin, verksmiðju-, gólf- og þakkústar og Durol-burstamottur eftir máli.